யாழ் மக்களுக்கு மகிழ்ச்சி தகவல் - நாளை முதல் புதிதாக ஆரம்பமாகும் முக்கிய சேவை

இலங்கை

யாழ்ப்பாண மாவட்டத்தில் புதிதாகக் கொள்வனவு செய்யப்படும் மோட்டார் சைக்கிள்களைப் பதிவு செய்வதற்கான சேவை, நாளைய தினம் திங்கட்கிழமை முதல் யாழ்ப்பாண மாவட்டச் செயலகத்தின் மோட்டார் போக்குவரத்துத் திணைக்களப் பிரிவில் ஆரம்பிக்கப்படவுள்ளது.

மோட்டார் போக்குவரத்துத் திணைக்களத்தின் ஆணையாளர் நாயகத்தின் அறிவுறுத்தலுக்கு அமைவாக, இச்சேவை யாழ்ப்பாண மாவட்டச் செயலகத்தின் மோட்டார் போக்குவரத்துத் திணைக்களப் பிரிவில் புதிதாக ஏற்படுத்தப்பட்டுள்ள கருமபீடத்தின் ஊடாக முன்னெடுக்கப்படவுள்ளதாக தெரிவித்தள்ளது,

மோட்டார் சைக்கிள்களுக்கான பதிவுகளை, நாளைய தினம் திங்கட்கிழமை முதல் யாழ்ப்பாண மாவட்டச் செயலகத்தின் மோட்டார் போக்குவரத்துத் திணைக்களப் பிரிவில் மேற்கொள்ள முடியும்.

இச்சேவையின் ஆரம்ப நிகழ்வு நாளைய தினம் திங்கட்கிழமை காலை 10.00 மணிக்கு உத்தியோகபூர்வமாக ஆரம்பித்து வைக்கப்படவுள்ளது.