தென்கொரியாவில் கடும் வெப்ப அலை - 20க்கும் மேற்பட்டோர் பலி

தென்கொரியாவை கடுமையாகத் தாக்கியுள்ள வெப்ப அலை, தலைநகர் சியோலில் இன்று (06) உச்சத்தை எட்டும் என எதிர்பார்க்கப்படுகிறது.

தலைநகரில் வெப்பநிலை 39 டிகிரி செல்சியஸ் (102 ஃபாரன்ஹீட்) வரை எட்டும் என கணிக்கப்பட்டுள்ளது, மேலும் இந்த சீரற்ற வானிலை காரணமாக இதுவரை 20க்கும் மேற்பட்டோர் உயிரிழந்துள்ளனர்.

இந்த வெப்ப அலை குறித்து கருத்து தெரிவித்த அதிபர் லீ ஜே-மியுங், “நாம் இதற்கு முன் அனுபவிக்காத அளவில் வெப்ப அலைகளை அனுபவித்து வருகிறோம்.

முன்பு வெளிநாட்டு செய்தி அறிக்கைகளில் மட்டுமே காணப்பட்ட வெப்ப அலைகள் இப்போது நமது நிஜமாகிவிட்டன,” என்றார். 

பகலின் வெப்பமான நேரங்களில் வெளிப்புறப் பணியாளர்களுக்குக் கட்டாய ஓய்வு நேரங்களை கடுமையாக அமல்படுத்துவதாகவும் அதிபர் அறிவித்தார்.

இதற்கு முந்தைய அதிகபட்ச வெப்பம் ஆகஸ்ட் 2018-ல் பதிவானது, அப்போது வெப்பநிலை 39.6 டிகிரி செல்சியஸை எட்டியது